طريقه عمل الكراوسون

المقادير


1-2كوب دقيق
2-150 جرام زبدة
3-ربع ملعقة صغيرة ملح
4-بيضة واحدة
5-نصف كوب لبن ممكن يزيد او يقل حسب الدقيق المستعمل
6-قطعة خميرة بيرة فى حجم عين الجمل
7-ربع معلقة صغيرة بيكنج بودر
8-3ملاعق زيت
الطريقة
نذوب الخميرة فى ملعقة سكر وربع كوب ماء دافى ونسيها تخمر
ننخل الدقيق والملح والبيكنج بودر
ثم نضيف الزيت واللبن والبيضة ونعجن كويس لحد ما تبقى بالشكل دة

وبعدين نسيها تخمر حوالى نصف ساعة ودة شكلها لما خمرت

بعد نطلع الزبدة من التلاجة بعد ما نكون فردناها ودة شكلها

وبعد كدة نفرد العجينة ونضع الزبدة فى طرف العجينة ونلقى بالطرف الأخر عليها ونضغط بالنشابة عليها بسيط لتوزيع الهوا

ثم نضعها فى طبق ونغطى عليها ونضعها فى الثلاجة لمدة نصف ساعة ثم نفردها ونطبقها 3 طبقات وندخلها الثلاجة مرة اخرى ونكرر هذة العملية 3 مرات وفى كل مرة نتركها لمدة نصف ساعة

وبعد كدة نفردها ونقطعها مثلثات

ونلف كل مثلث من القاعدة وحتى الرأس وممكن نحشية حشوات مختلفة جبنة رومى او بيضاء او شيكولاتة

ونسيبها تخمر حوالى ساعتين ودى الصورة بعد ما خمر

وبعد كدة نضرب صفار بيضة على معلقة كبيرة لبن وشوية فانليا وندهن وش الكرواسون ونخبزة فى فرن متوسط الحرارة بعد ما نكون سخنا الفرن فى الأول كويس
ودة بقى شكلة بعد الخبز

وصورة كمان علشان الحبايب



يا رب يعجبكوا وبالهنا والشفاء

الله يهناك يا اختة راحيل