منتدي البابا كيرلس والانبا مكاريوس
center][img][/img]
سلام المسيح معك
انت غير مسجل بالمنتدي فااذا حبيت الاشتراك معانا والانضمام لاسرة منتدي البابا كيرلس والانبا مكاريوس اضغط هنا للتسجيل
او للدخول من هنا
هنا في المنتدي مش هنخلي نفسك في حاجة
وقوة البابا كيرلس والانبا مكاريوس تحفظك

[img][/img]
[/center]

منتدي البابا كيرلس والانبا مكاريوس

منتدي البابا كيرلس والانبا مكاريوس
 
الرئيسيةالبوابةالتسجيلدخول
منتدي البابا كيرلس والانبا مكاريوس بقنا يرحب بكل الزوار اهلا وسهلا بكم في المنتدي

شاطر | 
 

 ياتري ايه مصيرك ؟؟؟؟؟

اذهب الى الأسفل 
كاتب الموضوعرسالة
بنت العدرا العسولة
ابنة من ابناء البابا كيرلس والانبا مكاريوس (صاحبة المنتدي)
ابنة من ابناء البابا كيرلس والانبا مكاريوس (صاحبة المنتدي)
avatar

عدد المساهمات : 799
تاريخ التسجيل : 15/06/2009
العمر : 31

مُساهمةموضوع: ياتري ايه مصيرك ؟؟؟؟؟   الثلاثاء فبراير 16, 2010 9:03 am

قمت من النوم فجأة


في عيني نور غريب وقوي جدا

أستغربت النور ده كله جي منين

واندهشت لما لقيت الساعه بتشاور على 3 صباحا

وأن مصباح الأوده مطفي

طيب النور ده كله جي منين

وانفزعت لما لقيت نص ايدي جو الحيطه

شديتها بسرعه

خرجت

وانا ببصلها بكل اندهاش

رجعتها تانى لقيتها دخلت جوه الحيطه

استغربت ايه اللى بيحصلي ده

وسمعت صوت ضحك

بصيت نحيته

لقيت اخويا نايم جمبي

ولقيته بيحلم

بيحلم انه راكب عربيه اخر موديل

وانه رايح حفلة كبيره قوي

لناس اغنيه قوي

وانه لابس اغلى واشيك لبس

عشان يكون احلى واحد في الحفلة

وكان بيضحك وفرحان

ابتسمت

بعدين اتفزعت من اللى بيحصل

وقمت من على السرير

وجريت على اودة امي وابي

قعدت اصحى

فى امي واطبطب عليها

وانديها بس هى مش بتستجيب

قعدت انديها كتير واطبطب كتير

ولقيتها فجأه قامت

كانت مخضوضه قوي

وبتبص يمين وشمال

قولتلها يا ماما انت مش شيفانى

لقيتها مش بترد

ولا بتبصلي

قعدت انادى

ماما......ماما

كانت حاطة ايدها على قلبها

وبتقول بسم الصليب بسم الصليب

ولقيتها بطبطب على بابا وبتصحيه

وقام

قالت له قوم نطمن على الاولاد

ده وقته

قالتله معلش قلبي مش مطمن

في حاجه غريبه

وانا واقف مستغرب

قعدت اقولها يا ماما

انا اهو يا ماما

انت مش شيفانى

ياماما

قامت ومشيت

حاولت امسك هدومها لكن الهدوم مش بتتمسك

جريت وقفت قدمها عدت من جوايا

ملقتش غير انى امشي وراها

وبابا كان وريا

محاولتش ابصله

عشان ما يتجاهلنيش برده

دخلت امى الاوده وفتحت النور

مكنش عندى فرق لأن الدنيا كانت منورة اصلا

انفزعت لما لقيتنى نايم على السرير

وقعدت ابص لجسمى وايدى وانا مستغرب

انا ازاي بقيت اتنين

انا مين ومين اللى نايم على السرير ده ان مكنش انا

وقطع استغرابي

جملة بابا استريحتى يا ستى اهم نايمين اهو

لكن هي قالتله معلش انا عاوزه أطمن على سامح

ولقيتهى بتقرب مني قصدى من الشخص اللى نايم مكانى

وبتطبطب عليه كانت بتقوله ياسامح لكن هو مش بيرد وكانت

بتطبطة بشويش وبدأت تهزه جامد

جريت عليها وقلتلها يا ماما انا اهو

رودي عليا

لكن صوتها كان بيزيد خوف وكان بيعلى

كانت بتنادي

سامح.....سامح

وفجأة صرخت ولقيت الصرخة بتوجعنى قوي

كانها بتضربنى

بكيت

وقلتلها ما تصرخيش

وهى بتقول سامح

وبابا جري علي وحط ايده على وشى وصرخ وبكى

وحسيت بالوجع تانى

سامح مش بيرد والبكاء بيزيد وانا مش عارف اعمل ايه

صحي اخويا على الصوت وهو بيسال في ايه

ماما صرخت اخوك مات ..مات وانا بقولها ببكائي لأ صدقيني

*****

ياماما انا هو شوفيني شوفينى انت مش سمعاني

لكن ما فيش امل

بصيت للسما وقلت يارب ايه اللى بيحصل ده

لكن ما لقتش سقف

وشفت ناس ولما شوفتهم مشيوا وحسيت بطعنه غريبه

وحجات بتقطعنى بصيت لاخويا لقيته بيصرخ

قلتله اسكت انت بتعذبني

لكنه كان بيزيد فى الصراخ

وماما بتبكي فى حضن بابا

والنحيب بيزيد وقفت قدمهم عاجز

ومزهول رفعت راسي تانى وقلت يارب

ايه اللى بيحصل يارب فى ايه ؟؟

لقيت ايدين بتطبق عليا اتنين شكلهم مش من البشر بيقوليلى تعالى

م انتم مين وعاوزين منى ايه شدونى

صرخت سيبونى

ما تخدونيش من اهلى اهلى فكرنى مت قالولى ما انت مت فعلا

قلتلهم ازاي ما انا شايف اهو وبتكلم وحاسس بكل حاجه ابتسموا

وقالوا

عجيب امركم يا بشر كلكم فاكرين ان الموت نهايه الحياة

وما تعرفوش ان حياتكم موت وحلم طويل هتصحو منه على اليوم ده على العالم ده سألتهم انا فين وانتو واخدنى على فين ؟؟

احنا واخدينك على مصيرك الابدي

مكان الانتظار

انتظار تنفيذ الحكم

وسألتهم طيب انا مكاني مع الملايكة ولا مع الشياطين ؟؟

قالولي طول عمرك عايش تايه متردد

شويه تمشي صح وشويه تمشي غلط

شويه تتوب وترجع تعصي تاني ما كنتش واضح

هتفضل بردة انهاردة تايه مش عارف حاجه اتفزعت وقلت

ايه يعنى ايه انا رايح النار

قالولى رحمة ربنا واسعه ولسة الرحلة طويلة

بصيت وريا لقيت عمي وابويا واخويا ماشين وراهم امي واهلي

بيبكوا

شايلين صندوق جريت عليهم ناديت محدش بيرد

ناديت على امى قلتلها يا امى ما تبكيش ادعيلى ناديت على بابا قلته يا بابا

خلى بالك من امى واخويا ناديت على اخويا

قلتله يا اخى خلى بالك من نفسك سيبك من الدنيا ومتاعها دي رخيصة قوي

>صدقنى مش هتنفعك ناديتهم كلهم بس كانو مشغولين بالبكاء ومحدش سامعنى

مكنتش بتمنى حاجه فى اللحظة دي

الا انهم يسمعونى

كنت نفسي اكلمهم وهما بيودعونى وخوفى عليهم انهم مش حاسين

باللى انا حاسه

وحسدى ليهم انهم لسة فى الدنيا بس للأسف

كنت ببكى وهما بيبكوا كنت خايف عليهم من الدنيا قوى

واتمنى لو اصرخ ولو يسمعونى



نداء الى اخى الحبيب واختى الحبيبة .... ونداء لى انا كمان .... لا تؤجل التوبة

سيب الماوس دلوقتى وقوم ... غمض عينيك وتوب من قلبك عن خطية واحدة بس دلوقتى .... واحدة بس .... اللى يقدر يتوب عن خطية واحدة يقدر يكررها مع خطايا تانية

وكما قال احد القديسين " اليوم هو انسب يوم للتوبة "

وقال اخر " احكم يا اخي على نفسك قبل ان يُحكم عليك "
الرجوع الى أعلى الصفحة اذهب الى الأسفل
http://popekirolls.yoo7.com
ميلاد ماهر نزية
ابن من ابناء الانبا مكاريوس عضو مميز جدا
ابن من ابناء الانبا مكاريوس عضو مميز جدا
avatar

عدد المساهمات : 885
تاريخ التسجيل : 11/08/2009
العمر : 38
الموقع : العدارء مريم مدنية نصر

مُساهمةموضوع: رد: ياتري ايه مصيرك ؟؟؟؟؟   السبت فبراير 20, 2010 4:37 pm

اليوم هو انسب يوم للتوبة


موضوع جميل جدا 258
الرجوع الى أعلى الصفحة اذهب الى الأسفل
http://MIDO123MILAD@YAHOO.COM
 
ياتري ايه مصيرك ؟؟؟؟؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي البابا كيرلس والانبا مكاريوس  :: قسم :. الاشياء المتنوعة :: قصص قصيره-
انتقل الى: