ايمان طفله

قصة اليوم 38


فى احدى البلاد كان يوجد طفلة صغيرة لديها ام متعبة ونظرا لضيق اليد وفقر تلك الاسرة كانوا لا يملكون ثمن الدواء فخطر فى بال تلك الطفلة فكرة فجابت ورقة وقلم وجلست وكتبت جواب لبابا يسوع " يا بابا يسوع انا بحبك خالص خالص لكن ماما تعبانة وطبعا انت عارف اننا فقراء ماما محتاجة دواء بعشرة جنيه ممكن تبعت لنا الفلوس على عنوان البيت وباى بقى دلوقتى علشان ماما تعبانة" ووضعت تلك الجواب فى ظرف وكتبت عليه من الخارج يسلم الى يد بابا يسوع العنوان السماء ووضعت الجواب فى صندوق البوسطة بايمان كامل ان بابا يسوع هيقرأ الجواب وهيرد

وفى مكان فرز الجوابات لفت نظر عامل البريد ذلك العنوان الغريب وبشىء من التطفل فتح الجواب ووجد نص الرسالة تعجب ذلك الرجل من ايمان تلك الطفلة وتمنى ان يملك تلك المبلغ لكان اعطاه كله لها ولكن خطرت بباله فكرة فذهب لأصدقائة فى العمل وساعد كل واحد بما استطاع وجمعوا اقصى حاجة 9 جنيه وارسلوا ذلك المبلغ للطفلة على العنوان بتاعها

فرحت الطفلة بسرعة الاستجابة واستلفت الجنيه الناقص من جارتها واشترت الدواء وتماثلت الام للشفاء

ثم جابت ورقة وقلم وكتبت جواب شكر لبابا يسوع " يا بابا يسوع انا بشكرك خالص خالص على اهتمامك على فكرة ماما خفت وبقت كويسة اوى بس لو سمحت يابابا يسوع لو هتبعت حاجة تانية ما تبعتهاش فى البوسطة علشان بتوع البوسطة حراميه سرقوا جنية من الفلوس اللى بعتها المرة اللى فاتت"

:20000:

:2228: :ملايكة: